Llwyddiant Cyfieithu!

Eleni ymgeisiodd Ysgol Aberconwy yng nghystadleuaeth Gwobr Anthea Bell ar gyfer Cyfieithwyr Ifanc a gynhelir gan Goleg y Frenhines ym Mhrifysgol Rhydychen. Cynhaliwyd y gystadleuaeth ym mis Ebrill lle rhoddwyd cerdd i’r myfyrwyr i’w chyfieithu o’r Almaeneg neu’r Ffrangeg i’r Saesneg.  

Darparodd y brifysgol rai cyfieithiadau ymarfer i'r ysgol eu gwneud yn gyntaf, i feithrin diddordeb mewn cyfieithu llenyddol ac i danio creadigrwydd yn ysgrifennu ein myfyrwyr. 

Cymerodd pob ieithydd yng nghyfnod allweddol tri ran, fodd bynnag roedd gan ysgolion gyfyngiad ar nifer y cofrestriadau y gallent eu cyflwyno felly bu’n rhaid i’n hadran Ieithoedd Tramor Modern (ITM) farnu’r cyflwyniadau yn gyntaf i ddod o hyd i’r ugain cais a oedd yn eu barn nhw orau. 

Yna bu tîm o israddedigion a chyfieithwyr proffesiynol yn beirniadu holl gynigion y gystadleuaeth. Dywedodd y beirniaid fod safon y ceisiadau wedi gwneud argraff fawr arnynt a’u bod wedi derbyn dros 3,200 o gyflwyniadau gan fwy na 260 o ysgolion o bob rhan o’r DU!

O ystyried y cystadlu brwd, rydym yn falch iawn o gyhoeddi bod gennym gais buddugol i Gymru gan gynnwys dwy ganmoliaeth ! 

Llongyfarchiadau i Samuel a Charlie ym mlwyddyn 9 a welodd eu hymdrech ar y cyd yn ennill gwobr Ardal Lefel 2 i Gymru am eu cyfieithiad o’r gerdd Almaeneg’das Traumel'. Fel enillwyr ardal bydd eu cais nawr yn cael ei roi drwodd i'r gystadleuaeth genedlaethol! Am gyflawniad ffantastig!

Llongyfarchiadau hefyd i Ruby ym mlwyddyn 7 a Tia ym mlwyddyn 9 a gafodd ganmoliaeth am eu cyfieithiadau Ffrangeg. Dyfarnwyd Canmoliaeth Lefel 1 i Gymru i Ruby am ei chyfieithiad o gerdd Ffrangeg'Le Crapaud' a dyfarnwyd Canmoliaeth Lefel 2 i Gymru i Tia am gyfieithu'r gerdd Ffrangeg 'L'Arbre Bleu‘.

Dywedodd Miss McAllister, Pennaeth ITM yn Ysgol Aberconwy, “Dyma newyddion ardderchog! Mae'n gamp wych cael tri myfyriwr y mae eu gwaith yn haeddu gwobr, yn enwedig pan fo'r gystadleuaeth mor gryf. Da iawn i bawb a gymerodd ran, yn enwedig ein henillwyr, rydym yn falch iawn ohonoch!"